RAIS ATEUA MKURUGENZI MKUU - NEMC

Mhandisi Bonaventure Baya

RAIS Jakaya Mrisho Kikwete amemteua kwa mara ya pili Mhandisi Bonaventure Baya kuwa Mkurugenzi Mkuu wa Baraza la Hifadhi na Usimamizi wa Mazingira nchini (NEMC ) kwa kipindi kingine cha miaka mitano (5).

Katika taarifa iliyotolewa na Kaimu Katibu Mkuu wa Ofisi ya Makamu wa Rais, Tutubi Mangazeni, Baya pamoja na kuwa Mkurugenzi Mkuu wa NEMC pia ni Rais wa kwanza wa Baraza la Wahitimu wa Chuo Kikuu cha Ardhi na Mwenyekiti wa Kamati ya Ushauri ya Wataalamu wa Mazingira Nchini.

Bwana Baya pia ameshawahi kuwa Mjumbe wa Bodi ya Taasisi ya Huduma ya Misitu na Mjumbe wa Bodi ya Sayansi na Teknolojia (COSTECH).